2009年2月24日星期二

MY LOVELY CATS~!!!!

等我D女逐一自我介紹下啦!


大女----大家好我叫BOBO,中文名黃寶寶,我係24DEC1996出生~唔經唔覺就黎13歲啦(不過我唔認老架)~!!!我係一隻異國短毛貓(EXOTIC SHORT HAIR)!!

原本我係由爸爸既阿姨養,不過後來爸爸既阿姨(前主人)有BB,於是爸爸就帶左我返屋企啦~!!!我以前係同一隻金毛一齊住,所以我係唔怕狗架~!!!

我最叻就係訓覺,仲成日流口水添.....嘻嘻~!!





二女---我叫MIMI,中文名黃美美,

我係08SEP2001出生,今年來緊8歲啦~!!

我係一隻波斯貓(PERSIAN)黎架~!!!
上邊o個張相就係長毛既我,
下邊o個張相就係短毛既我,
你地話我邊個樣靚D,可愛D呢?!
好多人都話鍾意我短毛WOR~!
我已經做過2次媽媽架啦,
都算KEEP得幾好呀...嘻嘻









細女---我叫CHANEL,中文名.....係冇既(不過媽媽有時都會叫我做射哩.....)我係21MAR2002出生,今年7歲~!!!我同大家姐一樣都係異國短毛貓(EXOTIC SHORT HAIR)!我係o係澳洲出世架,勁哩~哈哈!

我初初去到爸爸媽媽屋企唔係好慣,佢地話我成日都好緊張WOR,我以前俾人摸摸下都會咬人,又唔可以抱我,不過經過佢地既照顧之後而家已經好好多啦~!佢地仲話我而家好乖添....^_^

名字的由來......FROM MY CATS

點解我叫"BOMINEL"???
其實係將我3個寶貝女(CATS)個名合併而成既~!!!
大女:BOBO ,次女:MIMI ,三女:CHANEL
我都諗左好耐點砌個名,我又唔想淨係用一個名WOR,好似好偏心咁,最後就決定用呢個名~!!!!
個次序又啱啱由大至細,簡直係PERFECT呀~哈哈哈

~多多指教~

HI~你地好!我叫BOMINEL,今次係我第1次寫BLOG,多多指教~!!!!